BES(t) 4 kids ta amplia supsidio pa lugá na akohida

Ta un ambishon di BES(t) 4 kids pa den 2022 por ofresé tur mucha den Hulanda Karibense krèsh i akohida despues di skol kualitativamente bon, seif i pagabel. Awor aki ta tumando un promé paso konkreto pa hasi e akohida aksesibel pa tur mayor, dor di ekspandé e kantidat di lugánan supsidiá. Dor di esaki mas mayor por hasi uzo di krèsh i akohida despues di skol.

Krèsh i akohida despues di skol no ta grátis. Pa por hasi e fasilidatnan aki aksesibel pa tur hende, e Entidatnan Públiko ta pone sèn disponibel pa lugánan supsidiá. Ta duna e supsidio na e organisashon di akohida pa mayornan ku ta korespondé na sierto eksigensia. Bou di e bandera di BES(t) 4 kids, e Entidatnan Públiko, den e periodo tras di lomba, a traha duru pa por a ekspandé e kantidat di lugánan supsidiá. Na Boneiru a subi e límite di salario/entrada tambe banda di esaki.

Mayornan bibá na Boneiru ku un suèldu máksimo di $1349 (riba nan mes) òf di $1835 (suèldu konhunto) ku no tin espasio finansiero pa paga un akohida despues di skol kompletu, por bini na remarke pa un lugá supsidiá. Den un kaso asina ta supsidiá e akohida despues di skol a base di indikashon. Kondishonnan adishonal por ta aplikabel. Yama e departamentu di MOA na +599 717 2211 pa tende si bo ta bin na remarke òf bishita un di nos momentunan spesial di ‘intake’ pa entregá bo petishon:

Bo ke entregá un petishon durante di e un di e momentunan di informashon? Trese e siguiente dokumentunan: bo sédula (ID), buki di famia òf un ekstrakto for di atministrashon básiko, dos último slep di salario i dos último estado di kuenta bankario.

BES(t) 4 kids ta un kolaborashon entre e tres Entidatnan Públiko i e Ministerionan SZW, OCW, VWS i BZK. Meta ta pa e partidonan kolaboradó realisá krèsh i akohida despues di skol di kalidat na Boneiru, Sint Eustatius i Saba.