Tokante BES(t) 4 kids

Organisashonnan di akohida pa mucha i fasilidatnan despues di skol mester disponé di un pèrmit di eksplotashon.

E Entidat Públiko ta otorgá e pèrmit aki ora e organisashon ta kumpli ku e kriterionan manera inkorporá den e Ordenansa Insular Akohida di mucha. Pa sierto eksigensia por konta periodo transitorio. Organisashonnan e ora ei ta haña un término un poko mas largu pa kumpli ku e kriterionan. Pa organisashon nobo no tin un periodo transitorio; organisashon nobo mester kumpli ku tur kondishon di biaha.

Download e foyeto Pèrmit Akohida di mucha

Inspekshon di Enseñansa ta kontrolá si ta kumpli ku e reglanan den e Ordenansa Insular Akohida pa mucha. Si e inspekshon konstatá ku un organisashon no ta kumpli (mas) ku e kondishonnan, nan ta tuma akshon.

Si e inspekshon konkluí ku lo mester hala e pèrmit di eksplotashon di un organisashon di akohida pa mucha aden, lo konsehá esei na Entidat Públiko, ku na su turno lo mester tuma un desishon tokante esei.

E sistema di pèrmit, e supervishon i e maneho di mantenshon mester ta stipulá den legislashon i regulashon i den ordenansanan insular i mester ta na vigor den 2026.