Resultadonan

E programa BES(t) 4 kids kier pèrkurá pa tin akohida di mucha di bon kalidat, seif i pagabel pa mucha na Hulanda Karibense, pa tur mucha tin oportunidat pa desaroyá su mes den abundansia. P’esei e kalidat mester subi i e kosto di akohida pa mucha ta baha pa mayor. Pa aberiguá si e programa tin efekto, ta registrá e sifranan di kuantu mucha ta hasi uso di akohida di mucha i tin benefisio di dje, kon haltu e kontribushon di mayor ta i kon ta pará ku edukashon di trahadó di akohida di mucha.

Muchanan den akohida di mucha

E grafik aki ta mustra e parti di muchanan pa kada isla ku ta hasi uso di un akohida di mucha i akohida despues di skol. Nan ta benefisiá di e mehorashonnan di e programa BES(t) 4 kids. Na akohida di mucha ta trata di muchanan di 0 pa 4 aña, na akohida di skol ta muchanan ku ya ta bayendo skol básiko. Den e grafik ‘Total’ bo por mira ku na Hulanda Karibense kada bes mas mucha (por hasi uso) ta hasiendo uso di akohida di mucha.

FUENTE: Uitvoering van Beleid (UVB) i entidatnan públiko

Kantidat di e partinan di dia promedio pa luna

E grafik aki ta indiká kuantu parti di dia pa kada luna muchanan na Hulanda Karibense ta bai un akohida pa mucha i un akohida despues di skol.

FUENTE: Uitvoering van Beleid (UVB) (basá riba datonan di organisashonnan ku ta partisipá na e areglo di supsidio temporal)

Altura di e kontribushon di mayor mensual

Riba e grafik aki bo por mira, pa kada isla, kuantu mayor ta paga pa akohida di mucha. Debí na e programa BES(t) 4 kids, for di 2020, e kontribushon di mayor na Boneiru i Sint Eustatius a baha. Na Saba, mayornan ya tabata paga un suma abou pa akohida di mucha.

FUENTE: Areglo di supsidio temporal finansiamentu akohida di mucha Hulanda Karibense (na Boneiru ta trata di un kontribushon di mayor promedio)

Kolaboradónan pedagógiko ku ta sigui un estudio di formashon

Trahadónan ku ta traha ku mucha den akohida di mucha mester tin komo mínimo un diploma MBO. Esaki ta un di e eksigensianan di kalidat di e programa BES(t) 4 kids. Den e imágen bo por mira e porsentahe di personal pedagógiko ku ta sigui un estudio di formashon.

FUENTE: Entidatnan públiko

Nivel di edukashon di kolaboradónan pedagógiko

Trahadónan ku ta traha ku mucha den akohida di mucha mester tin komo mínimo un diploma MBO. Esaki ta un di e eksigensianan di kalidat di e programa BES(t) 4 kids. Den e imagen bo por mira e nivel di edukashon di e kolaboradónan pedagógiko.

FUENTE: Entidatnan públiko