Danki na BES(t) 4 Kids, awor tin sufisiente entrenadó na Boneiru pa trein kolaboradónan di akohida di mucha den e programa pre-eskolar ‘Kaleidoscoop’. Akseso a ehekutá e programa: Entrenadó tabata Riet Sealy, field consultant di ‘Kaleidoscoop’ na Boneiru. 5 partisipante a finalisá e trayekto kompleto i awor ta entrenadó internashonalmente sertifiká, 4 partisipante a finalisá e parti teóriko parsialmente. Tambe a bolbe sertifiká 3 entrenadó di nobo. Entrega di e sertifikadonan a tuma lugá riba 2 di sèptèmber.
Nos ta deseá tur entrenadó hopi éksito ku treinen di personal di akohida di mucha. Ounke ku Nederlands Jeugd Instituut (NJI) ta stòp ku e lisensia di Kaleidoscoop den 2023, Boneiru lo sigui hasi uso di e prinsipionan básiko di Kaleidoscoop i posiblemente lo desaroyá su propio programa di edukashon pre-eskolar ku ta konektá mihó ainda ku e idioma i e konteksto karibense. Lo embolbí e entrenadónan hopi di aserka den e proseso akí.
Riba e fotonan:
Entrega di e sertifikadonan
Un bista durante un dia di entrenamentu
